श्रावणघेवडा कोशिंबीर

वाढणी:२ जणांना

पाककृतीला लागणारा वेळ:३० मिनिटे

पाककृतीचे जिन्नस:

बारीक चिरलेला श्रावण घेवडा २ वाट्या
२-३ चमचे दाण्याचे कूट
२-३ चमचे ओल्या नारळाचा खव,
२-३ चमचे बारीक चिरलेली कोथिंबीर,
१ मिरची, मीठ, चिमुटभर साखर,
अर्धे लिंबू, फोडणीसाठी तेल, मोहरी, हिंग, हळद

क्रमवार मार्गदर्शन:

बारीक चिरलेला श्रावणघेवडा कूकर मध्ये पाणी न घालता शिजवून घेणे. गार झाल्यावर त्यात हिरची मिरची व मीठ चुरडून घालणे. चवीप्रमाणे मीठ, चिमुटभर साखर, दाण्याचे कूट, कोथिंबीर व ओला नारळाचा खव घालणे. अर्धे लिंबू पिळणे (चवीप्रमाणे कमी-जास्ती पिळणे). नंतर त्यामध्ये वरून फोडणी घालून एकसारखे करणे.

श्रावणघेवडा = फरसबी = ग्रीन बीन्स

माहितीचा स्रोत:सौ आई

अधिक टीपा:गणपतीत जेवताना मोदकांबरोबर डाळिंब्या व श्रावणघेवड्याची कोशिंबीर छान लागते. नुसती खायला पण छान लागते.