Friday, December 12, 2008

पुरणपोळी





जिन्नस :
१ वाटी हरबरा डाळ
अर्धी वाटी साखर,
अर्धी वाटी चिरलेला गूळ
कणीक दीड वाटी
मीठ
तेल व पाणी
तांदुळाची पीठी/गव्हाचे पीठ


क्रमवार मार्गदर्शन :

डाळीचे पूरण : १ वाटी हरबरा डाळ पाण्यात धुवून घ्या. त्यात अडीच वाट्या पाणी घालून कूकरमध्ये शिजवून घ्या. वरणभात करण्यासाठी साधारण कूकरच्या ३ शिट्ट्या व्हाव्या लागतात. हरबरा डाळ शिजायला थोडी कठीण आहे म्हणून ५-६ शिट्ट्या करा. कूकर गार झाला की शिजलेली डाळ एका चाळणीमध्ये ओतून घ्या. चाळणीखाली एक ताटली ठेवा म्हणजे डाळीमधले सर्व पाणी निथळून जाईल. डाळीमधले पाणी पूर्णपणे निथळले गेले पाहिजे. डाळ कोरडी झाली पाहिजे. नंतर ही डाळ फूड प्रोसेसर मध्ये घालून बारीक वाटा. बारीक वाटलेली डाळ, गूळ व साखर एका पातेल्यात एकत्रित करून मध्यम आचेवर हे पातेले ठेवा. काही वेळाने साखर व गूळ वितळेल. मिश्रण ढवळत राहा. काही वेळाने हे मिश्रण कोरडे होईल. गॅस बंद करा. मिश्रण पूर्णपणे गार करा.


कणीक भिजवणे व तिंबणे : जेव्हा कूकरला डाळ शिजवत ठेवाल तेव्हा एकीकडे कणीक भिजवून ठेवा. कणीक चाळून त्यात थोडे तेल व मीठ घालून भिजवा. कणीक सैल भिजवा. साधारण १ तासानंतर कणीक तिंबायला घ्या. कणकेमध्ये थोडे थोडे पाणी घालून मळून घ्या. मळताना उजव्या हाताची मूठ करून कणकेला सर्व बाजूने दाब द्या म्हणजे ही कणीक पूर्ण परातभर पसरेल. नंतर त्यात तेल घालून व तेलाचा हात घेऊन परत एकत्रित गोळा बनवा. असे बरेच वेळा केले की कणीक सैल होईल व ती हाताला चिकटायला लागेल व कणकेला थोडी तार सुटायला लागेल. आता फक्त तेल घालून कणीक मळा. तेल घेतल्यामुळे चिकटणार नाही व एकसंध नितळ मळली जाईल आणि आता कणकेचा रंगही बदलायला लागेल. कणीक पांढरी दिसायला लागेल. आता ही कणीक एका पातेल्यात झाकून ठेवा.


नंतर साधारण तासभराने पोळ्या करायला घ्या. मध्यम आचेवर तवा तापत ठेवा. हाताला थोडेसे तेल घेऊन कणकेचा छोटा गोळा घेऊन त्याचा हातानेच छोट्या पुरीएवढा एकसारखा आकार बनवा. आपल्या मुठीत मावेल इतके पूरण घ्या व हा पुरणाचा गोळा त्या छोट्या पुरीएवढ्या केलेल्या आकारामध्ये घालून सर्व बाजूने बंद करून एक गोळा बनवा. नंतर पोलपाटावर थोडे तांदुळाचे पीठ पसरा व त्यावर गोळा ठेवून परत थोडे तांदुळाचे पीठ गोळ्यावर पसरून अगदी हलक्या हाताने कडेकडेने पोळी लाटा. थोडी लाटल्यावर अलगद हाताने उलटी करून उरलेली लाटा. तव्यावर घालून भाजा. तव्यावर पोळी हाताने घालायला जमत नसेल तर लाटण्यावर गुंडाळून घेऊन तव्यावर घाला. पोळी भाजताना कालथ्याचा वापर करा. गुलाबी रंगावर पोळी भाजा.


गरम पोळीवर भरपूर साजूक तूप घ्या व गरम गरम खा. अशी ही तलम पुरणपोळी खूप छान लागते. साखरेचा गोडवा व गुळाचा खमंगपणा अशी दुहेरी चव!

मला फार गोड आवडत नाही म्हणून साखर गुळाचे प्रमाण एकास एक दिले आहे. पण गोड हवे असल्यास साखर गुळाचे प्रमाण एकास सव्वा किंवा दीड वाटी घ्यावे. पूर्ण साखर अथवा गुळाची पण पुरणपोळी करतात. साखर गुळ याचे प्रमाणही आवडीप्रमाणे कमी जास्त घ्यावे.

6 comments:

HAREKRISHNAJI said...

कटाच्या आमटीबरोबर पुरणापोळीचा बेत अगदी फर्मास असतो नाही का ?

nishi said...

Hello Rohini,

Majhya puran polya thodya kadak hotat....kanik mi khup sail bhijwate. pan polya jhalya nantar thodyach velat kad hotat....pls suggest wht to do?

rohini gore said...

harekrishnaji pratisadabaddal anek dhanyawaad. katachi aamti mala jast aavadat nahi tyamule mi kadhich keli nahi. mala jast karun phakt sajuk tupch aavadate puranpoli barobar. shilya polibarobar dudh jast chhan lagte. arthaat pryatyekachi aavad vegli!

rohini gore said...

polya kadak hoat astil tar tu thodya jaad latun bagh aani shivay tandulachya pithiaivaji gavhache pith vaprun bagh latatana. shivay gas pan high medium thev. dusre mhanje pardeshaat milnare pithahi jast changle naste tyamule pan poli madhe pharak padtoch! thanks!

Sunita Jadhav said...

mi puran poli banvata fakt sakhar ghatli tar chalel. Mazya ithe gul nahi milat.

rohini gore said...

@Sunita, nusti sakhar ghatli tari chalel. purNa sakhrechya kinva purNa gulachya polya kartat. pramaan aavdinusar aani upalabdhatenusar ghalave. shubhechchaa!!