जिन्नसः
३ वाट्या दूध (whole milk)
१-२ चमचे शेवया
६ चमचे साखर
काजु, बदाम, पिस्ते यांचे तुकडे १-२ चमचे
बदाम पावडर अर्धा चमचा
साजूक तूप १ चमचा
क्रमवार मार्गदर्शन :
सर्वात आधी एका पातेल्यात दूध तापवून घ्या. मंद आचेवर छोटे कढले ठेवून त्यात साजूक तूप, शेवया व काजू -बदाम- पिस्ते यांचे तुकडे घालून बाऊन रंगावर परतून घ्या. नंतर हे सर्व तापलेल्या दूधात घाला. नंतर हे दूधाचे पातेले गॅसवर ठेवा. त्यात आवडीनुसार साखर व बदामाची पावडर घाला. दूध चांगले उकळू द्यावे. उकळताना डावेने ढवळत राहावे, म्हणजे साय धरणार नाही. थोडे दूध आटले की गॅसवरून उतरवा. दूध थंड होईपर्यंत अधून मधून दूध ढवळावे म्हणजे साय धरणार नाही. गार झाले की खीर दाट होईल.