Friday, August 31, 2018

बटाट्याचा चिवडा

जिन्नस
कडक उन्हात वाळवलेला बटाट्याचा कीस
तेल
लाल तिखट
मीठ
साखर
तळलेले दाणे

मार्गदर्शन : कढईत तेल घाला. ते तापले की त्यात वाळलेला बटाट्याचा कीस थोडा थोडा घालून तळा. नंतर तळलेला कीस पेपर टॉवेलवर घाला जेणेकरून जास्तीचे तेल निथळेल. आता दाणे तेलात घालून ते तळून त्यात घाला. गॅस बंद करा. हा तळलेला चिवडा ज्या पेपर टॉवेल वर घातला आहे तो पेपर टॉवेल काढून घ्या. नंतर त्यात चवीनुसार लाल तिखट, मीठ आणि थोडी साखर घालून हा चिवडा हाताने मोडून काढा. हातानेच कालवा म्हणजे सर्व बाजून तिखट मीठाची चव लागेल. हा चिवडा मधवेळेला ऑफीस मधून आल्यावर
खायला उपयोगी पडतो. नंतर चहा हवाच.

उन्हाळ्याच्या दिवसात हा बटाट्याचा कीस भरपूर प्रमाणात वाळवून ठेवता येतो. नंतर केव्हाही तळून चिवडा
बनवता येतो.

मला हा वाळवलेला बटाट्याचा कीस इंडियन स्टोअर्स मध्ये मिळाला. हा चिवडा उपवासाला चालतो.

Saturday, August 11, 2018

काहीतरी वेगळे

आजपासून मी ठरवलं आहे ते म्हणजे शनिवारी मला कामावर ऑफ डे मिळाला तर काहीतरी स्पेशल करायचे. त्यामुळे दिवस वेगळा तर जातोच पण वेगळी चव असलेलं जेवण जेवलो की ताजेतवाने वाटते आणि उत्साह वाढीस लागतो.

तीळकूट
कोथिंबीर भजी
कढी ( कढीमध्ये कांदा, लसूण, मिरची, टोमॅटो आणि कडिपत्ता घातला आहे.)
तोंडल्याची रस भाजी
मूगतूर डाळीचे धिरडे
आंब्याच्या फोडी
तांदुळाचे खिचे (तळून)