Wednesday, September 13, 2006

रंगीत पोहे


वाढणी:दोन जणांना


पाककृतीला लागणारा वेळ:३० मिनिटे

पाककृतीचे जिन्नस

पोहे जाड ३ वाट्या
कांदा , सिमला मिरची , बटाटे, टोमॅटो, गाजर , मटार, हिरव्या मिरच्या ४-५,
खवलेला ओला नारळ व चिरलेली कोथिंबीर
तेल,मोहरी,जिरे,हिंग,हळद
मीठ, साखर

क्रमवार मार्गदर्शन: सर्वात आधी पोहे रोळीमधे घुवून ठेवा. नंतर सिमला मिरची, कांदा, गाजर,बटाटे, मिरच्या,  हे सर्व उभे चिरा. प्रमाण प्रत्येकी पाव ते अर्धा तुकडा. हे सर्व उभे आणी खूप बारीक चिरणे महत्वाचे आहे. नंतर तेलाची फ़ोड्णी करुन त्यामधे उभे चिरलेले वरील सर्व जिन्नस आणि मटार व चिरलेला टोमॅटो घालून एक- दोन वाफ़ा आणा.  नंतर त्यामधे पोहे घालून  त्यात चवीप्रमाणे मीठ, व थोडी साखर घालून सर्व एकसारखे परता. व एक दोन वाफा आणा.

खायला देताना त्यावर कोथिंबीर , ओला नारळ , आणि थोडे लिंबू पिळून खावयास द्या.
भाज्या घातल्याने पोहे रंगीबेरंगी दिसतात.

2 comments:

जीवन जिज्ञासा said...

मस्त
रंगुनी रंगात साऱ्या रंग माझा साजरा

काय पोह्यांनो, खरे ना?

rohini said...

जीवन जिज्ञासा, तुमचा हा अभिप्राय खूपच आवडला. धन्यवाद.