वाढणी:१ जण
पाककृतीला लागणारा वेळ:१५ मिनिटे
पाककृतीचे जिन्नस:
कोवळी मक्याची लहान आकाराची कणसे ३-४
मिरच्यांचे बारीक तुकडे २-३
कोथिंबीर २ चमचे, ओला नारळ २ चमचे,
दाण्याचे कूट २ चमचे, मीठ, चिमुटभर साखर
तेल २ चमचे, मोहरी, हिंग, हळद
क्रमवार मार्गदर्शन:
मक्याची कोवळी कणसे किसून घेणे. तेलाच्या फोडणीमध्ये मिरच्यांचे तुकडे घालून नंतर त्यात किसलेला मक्याचा कीस घालणे. २-३ वाफा देवून शिजवणे व परतणे. नंतर त्यात दाण्याचे कूट, कोथिंबीर, ओला नारळ, साखर व चवीप्रमाणे मीठ घालून परत २-३ वाफा देवून परतणे. गरम गरम खाणे.
याच पद्धतीप्रमाणे बटाट्याचा कीस करतात. प्रमाण १ मोठा बटाटा एकासाठी. बटाट्याची साले न काढता किसणे. मोहरी, हिंग, हळदीच्या ऐवजी फक्त जीरे घालणे. तेलाच्या ऐवजी साजुक तुपातला खूपच छान लागतो. मिरच्या तिखट नसतील तर थोडे लाल तिखट घालणे.
रोहिणी
Wednesday, April 11, 2007
Subscribe to:
Post Comments (Atom)
2 comments:
माझे नुकतेच डिसेंबर मध्ये लग्न झाले.
मुलगी बॅंगलुर ची! कानडी!
तिला मराठी स्वायपक अजिबात येत नाही... आणि मला थोडा फार येतो.
मी सध्या सिंगापुर मध्ये आहे आणि काही महिन्यनंतर पुण्याला घरी परत जाणार आहे, तोपर्यंत तिला थोडाफार जरी शिकवता आला तर बर!
अशातच तुमचा ब्लॉग वाचण्यात आला! अप्रतिम...
आता मला खात्री आहे की ब्लॉग वाचून ती बराच काही बनवायला शिकेल..आणि मग सासूबाई खुश!
धन्यवाद!
Thanks a lot Santosh!!
Post a Comment