कणीस कीस

वाढणी:१ जण

पाककृतीला लागणारा वेळ:१५ मिनिटे

पाककृतीचे जिन्नस:

कोवळी मक्याची लहान आकाराची कणसे ३-४
मिरच्यांचे बारीक तुकडे २-३
कोथिंबीर २ चमचे, ओला नारळ २ चमचे,
दाण्याचे कूट २ चमचे, मीठ, चिमुटभर साखर
तेल २ चमचे, मोहरी, हिंग, हळद

क्रमवार मार्गदर्शन:

मक्याची कोवळी कणसे किसून घेणे. तेलाच्या फोडणीमध्ये मिरच्यांचे तुकडे घालून नंतर त्यात किसलेला मक्याचा कीस घालणे. २-३ वाफा देवून शिजवणे व परतणे. नंतर त्यात दाण्याचे कूट, कोथिंबीर, ओला नारळ, साखर व चवीप्रमाणे मीठ घालून परत २-३ वाफा देवून परतणे. गरम गरम खाणे.

याच पद्धतीप्रमाणे बटाट्याचा कीस करतात. प्रमाण १ मोठा बटाटा एकासाठी. बटाट्याची साले न काढता किसणे. मोहरी, हिंग, हळदीच्या ऐवजी फक्त जीरे घालणे. तेलाच्या ऐवजी साजुक तुपातला खूपच छान लागतो. मिरच्या तिखट नसतील तर थोडे लाल तिखट घालणे.


रोहिणी