तळलेले बटाट्याचे काप

वाढणी:२ जण

पाककृतीला लागणारा वेळ:१५ मिनिटे

पाककृतीचे जिन्नस:

मोठे बटाटे ३
लाल तिखट, मीरपूड, मीठ
तळ्ण्यासाठी तेल किंवा तूप

क्रमवार मार्गदर्शन: बटाटा कापांसाठी मोठे बटाटे जास्ती चांगले. पहिल्या प्रथम बटाटयाची साले काढून मोठे उभे काप करणे. मध्यम आकाराचे. नंतर तेलात खमंग तळावेत. लाल रंग येईपर्यंत. नंतर ताटलीत काढून त्यावर आवडीप्रमाणे लाल तिखट, मीरपूड व मीठ पेरून घोळवणे. गरम गरम खाणे. चहाबरोबर किंवा दही भाताबरोबर.

माहितीचा स्रोत:मामे बहीण सौ विनया गोडसे

अधिक टीपा:मुसळधार पाउस पडत असताना किंवा थंडीत कुडकुडत असताना हे काप खाणे. घसा स्वच्छ होतो. तोंडाला चव येते व उत्साह येतो.

अमेरीकेत जे फ्रोजन बटाट्याचे काप मिळतात ते या पद्धतीने केले तर तेलकट कमी होतात, शिवाय कुरकुरीत होतात.