Tuesday, December 30, 2008

चकोल्या

जिन्नस :

तुरीची डाळ १ वाटी
गव्हाचे पीठ दीड वाटी
धनेजीरे पूड दीड चमचा
लाल तिखट दीड चमचा
गोडा/काळा/गरम मसाला दीड चमचा
चिंचगुळाचे दाट पाणी अर्धा ते पाऊण वाटी
मोहरी, हिंग हळद
मीठ
फोडणीसाठी तेल
गोटा खोबऱ्याचा एक छोटा तुकडा
१ चमचा जिरे


क्रमवार मार्गदर्शन :


तुरीची डाळ कूकरमध्ये शिजवून घ्या. गव्हाच्या पीठामध्ये थोडे लाल तिखट, हळद, मीठ व थोडे तेल घालून नेहमीप्रमाणेच पोळीला पाहिजे तशी कणिक भिजवा.



तुरीची डाळ थंड झाली की मध्यम आचेवर एका कढईत/पातेल्यात पूरेसे तेल घालून फोडणी करा व त्यामध्ये शिजलेली डाळ एकसारखी करून घाला. त्यात थोडे पाणी घालून लाल तिखट, धनेजीरे पूड, गरम/गोडा/काळा मसाला घाला. चवीपुरते मीठ घालून आमटी ढवळून घ्या. नंतर त्यामध्ये चिंचगुळाचे दाट पाणी घाला. गोटा खोबऱ्याचा एक छोटा तुकडा गॅसवर भाजून घ्या. खूप काळा होईतोवर भाजा. थंड झाला की त्यात थोडे जीरे घालून मिक्सर ग्राईंडर वर बारीक करा व उकळत्या आमटीत घाला. अशी ही मसालेदार आमटी थोडावेळ उकळा. अजून थोडे पाणी घाला. खूप पातळ आमटी नको.



आता गॅस बारीक करा. भिजवलेल्या कणकेचा एक मोठा गोळा घेऊन एक मोठी पोळी लाटा. खूप जाड नको, व खूप पातळ नको. पोळीचे कालथ्याने अथवा कातण्याने चोकोनी काप करा. आता हे काप पटापट आमटीत सोडा व ढवळा. अशा प्रकारे कणकेच्या पोळ्या लाटून व काप करून सर्व काप आमटीमध्ये सोडा. एकीकडे ढवळत राहावे. आता आच थोडी वाढवा. म्हणजे आमटी उकळताना शंकरपाळ्यासारखे जे काप करून आमटीमध्ये सोडलेले आहेत ते शिजतील. ५ मिनिटांनी परत गॅस मंद ठेवा. आता थोडे कच्चे तेल वरून घाला व कढईवर/पातेल्यावर झाकण ठेवा म्हणजे वाफेवर या चकोल्या चांगल्या शिजतील. थोड्यावेळाने झाकण काढा. एक चकोली बाहेर काढून ती हाताने शिजली आहे का नाही ते पहा. चकोल्या शिजायला जास्त वेळ लागत नाही. चकोल्या खूप दाट आहेत असे वाटल्यास थोडे पाणी घालून ढवळा.



आता या चकोल्या गरम गरम असतानाच खा. आणि त्यावर भरपूर साजूक तूप घाला. सोबत कुरडई, सांडगी मिरची अथवा पोह्याचा पापड तळून घ्या. भरपूर पोटभर खा म्हणजे अगदी रात्रीपर्यंत तुम्हाला अजिबात भुक लागणार नाही. हा एक अत्यंत पौष्टीक पदार्थ आहे.


हा माझा एक अत्यंत आवडता खाद्यपदार्थ आहे. यालाच डाळ ढोकळी किंवा वरणफळे असेही नाव आहे.

13 comments:

Trupti said...

maza aawadicha padarth aahe.. Chakolya chan disat aahet.

rohini gore said...

Thank you so much Trupti!! chakolya tulahi aavadtat he vachun khup chhan vatle! tuzyashi sarv recipes chhan aahet!

HAREKRISHNAJI said...

आज सकाळीच बायकोला हा पदार्थ करायला लावला

ह्यच्यामधे अख्खे शेंगदाणॆही टाकतात.चांगले लागतात.

मध्यंतरी मी मुंबईला "राजधानी’ मधे डाळ ढोकळी खाल्ली काय वे्गळीच मस्त चव होती त्यांनी सोबत भातही दिला होता, भाताबरोबर छान लागली. पहिलीच वेळ होती भाताबरोबर खाण्याची

Unknown said...

thanks...
mala chakulya khup aavdatat..pan lagna nantar maheri aaichya hatchya sarkhya nahi jamlya ...

Unknown said...

Hi rohini khup chan disat ahet Chakolya. Me karte pan pithat kahi takat nahi ajj tu sangitly pramane karun pahate.

rohini gore said...

shweta and sai Thank you so much!!

Harekrishnjaji, chakolya n bhaat? pahilyandach aikle. daNe ghalin aata pudhchya veles. Thanks for comment!

Pradnya said...

HI rohini
thanks for recipe
mala khup aawadatat chakolya , pan aataparyant kanaket tikhat vagere kahi na ghalata karyache aata tu sangitalyapramane karen

rohini gore said...

Thanks Pradnya, nakki karun bagh. kankemadhe tikhat mith ghatlyane jast chavishtta hotat :)

Smita said...

chakulya ... ha majha pan khup avadicha padartha ahe. chakulya madhe thodi harbaryachi dal takli tar ti sundar lagte ani varun limbu pilun suddha khup chhan lagtat.. thanks for this recipe ...

rohini gore said...

Thanks Smita, mi pudhchya veli harbara daal ghalun pahin. limbu nakkich chhan lagel. chakolyanvar sajuj tup aani limbu mhanje vaa kya baat hai!

Yashoda said...

Hi Rohini, Thanks for the nice receipe. mi ajun kadhich kele navhate. aataa nakki karin. thanks.

Unknown said...

I do it quire regularly. I use rectangular microni instead of wheat floor dow, it tastes awesome. I add pea nuts, but I have noted use chinch gud..next time..
Dinesh Kumthekar
Kuwait

rohini gore said...

thank you Dinesh Kumthekar !