Monday, April 04, 2011

साजूक तूप



वाढणी:२ जण

पाककृतीला लागणारा वेळ:१५ मिनिटे

पाककृतीचे जिन्नस

"लॅन्डोलेक्सचे" मीठविरहीत स्वीट बटर

क्रमवार मार्गदर्शन:

एका पातेल्यात किंवा कढईत बटरच्या ४ कांड्या ठेवून गॅस अतितीव्र आचेवर ठेवणे. कांड्या पूर्ण वितळल्या की आच मध्यमाहून थोडी कमी करणे. बटर वितळायला लागले की फेस येईल. नंतर चमच्याने वितळलेले बटर सारखे ढवळत रहावे. बटर पूर्णपणे वितळल्यावर बरेच बारीक बारीक बुडबुडे येउन ते उकळायला लागते. नंतर या उकळलेल्या मिश्रणाला पिवळा रंग येईल. नंतर हळू हळू फेस कमी होईल. फेस पुर्णपणे जात नाही. नंतर एका क्षणी किंचित लालसर रंग आला की लगेच गॅस बंद करणे. हा क्षण महत्वाचा. तूप करताना सारखे ढवळत रहावे आणि रंग बघण्यासाठी तूप चमच्यामधे घेऊन पहाणे.

पूर्ण गार झाल्यावर तूप गाळून एका काचेच्या बाटलीत ओतणे. गाळले नाही तरी चालते. ४ कांड्या वितळून तूप होण्यासाठी बरोबर १५ मिनिटे लागतात.

माहितीचा स्रोत:भारतात माझी आई व अमेरीकेत तेलगू मैत्रिण सौ प्रविणा

अधिक टीपा:साजुक तूप प्रमाणात खाल्ले तर उपयुक्त आहे. साबुदाण्याची खिचडी, बटाट्याचा कीस, गोडाचा शिरा, गाजर हलवा करताना किसलेले गाजर परतण्यासाठी, खीर करताना शेवया परतण्यासाठी किंवा असे बरेच पदार्थ करण्यासाठी साजुक तूप वापरावे. हानीकारक नाही. पदार्थ स्वादिष्ट बनतो.

6 comments:

Anonymous said...

Kitti chaan savistar mahiti dili ahe tumhi, me pan nehemi asech tup banavte. Tup banavtana va banavlyavar maala me kahitari khup chaan kaam kelay asa ugich vatta! :D

Halu halu butter vitalun tyacha tup hotana baghun maala majhyatla thakva, raag, kaaljya saaglya vitalun jaatayt asa vatta va soneri raangacha tup swachcha kachechya batlit otatanna majhyat ek navi, 'pure' energy bhartye asa vatta. :)

- Priti

rohini gore said...

:)

मोसम said...

ढवळण्याचे श्रम वाचवायचे असतील तर बटर सुरवातीपासून २० मिनिटांचा टायमर लावून मध्यम आचेवर ठेवले की तूप तयार. २० मिनिटांनंतर जर लालसर रंग आलेला नसेल तर एकदा ढवळून पाच मिनिटं अजून ठेवावे.

rohini gore said...

thanks!

Megha said...

mi yaat madhe kadhitari thode meeth takate...tyane tup raval honyas madat hote...lavang takali tar tupala sundar vaas lagato...try sometime

rohini gore said...

mithache mahit hote, lavang takun pahin. thanks for comment.