Tuesday, April 26, 2011

कैरीचे लोणचे






जिन्नस :

१ मोठी कैरी
२ चमचे लाल तिखट
२ चमचे हळद
अर्धा चमचा मेथी पावडर
पाव चमचा हिंग पावडर
मोहरीची डाळ ४ चमचे
मीठ ३-४ चमचे
तेल
फोडणीसाठी मोहरी, हिंग, हळद

क्रमवार मार्गदर्शन : कैरी धूवून घ्या व कोरड्या फडक्याने पुसून घ्या. नंतर त्याच्या बारीक फोडी करा. फोडींवर थोडी हळद व मीठ घालून थोडे ढवळून ठेवा. नंतर मध्यम आचेवर कढलं तापत ठेवा. ते पुरेसे तापले की त्यात २-३ चमचे तेल घालून त्यात लाल तिखट घालून थोडे परतून घ्या. परतल्यावर एका ताटलीते ते मिश्रण ओता. मग परत तेल घालून त्यात हळद, नंतर हिंग व मेथी वेगवेगळे तेल घालून परतून घ्या व असेच लाल तिखटाप्रमाणे एका ताटलीत काढून ठेवा. मोहरीची डाळ काढून घ्या त्याच ताटलीत. ही डाळ परतायची नाही. मोहरीची डाळ नसेल तर मोहरी भाजून घेऊन ती मिक्सरवर बारीक करून घ्या.

आता हे सर्व मिश्रण व कैरीच्या फोडी मीठ घालून ढवळून घ्या व एका बरणीत घाला. पाव ते अर्धा वाटी तेल गरम करून त्यात मोहरी हिंग हळद घालून फोडणी करा. ही फोडणी पूर्ण गार झाली की तयार झालेल्या मिश्रणात (कैरी व मसाला) ओतून ढवळा. हे लोणचे पोळी व गरम आमटीभाताबरोबर खूप छान लागते.

फोटोतील लोणच्यामध्ये मोहरीची डाळ घातलेली नाही. ती घातली नाही तरी चालते.

No comments: