दुधी हलवा

वाढणी: २ जण

पाककृतीला लागणारा वेळ : ३० मिनिटे

जिन्नस :

किसलेला दुधी भोपळा 1 वाटी
साखर अर्धी वाटी
दूध 1 वाटी
किसलेला खवा  अर्धी वाटी
साजूक तूप 1चमचा

क्रमवार मार्गदर्शन:

मध्यम आचेवर पातेले ठेवून त्यात साजूक तूप घाला. नंतर किसलेला दुधी भोपळा घालून परतून घ्या. नंतर त्यावर झाकण ठेवून वाफेवर दुधी शिजवा. नंतर त्यात दूध व साखर घालून ढवळा. आता हे मिश्रण चांगले शिजवा. दूध आटत आले की त्यात खवा  घालून मिश्रण चांगले ढवळा. अजून थोडे शिजले की गॅस बंद करा. वर झाकण ठेवा म्हणजे गार झाला की घट्ट होईल. दुधी हलवा तयार!

याच पद्धतीने गाजर हलवा बनवा.

साखरेचे प्रमाण कमी जास्त आवडीनुसार घ्यावे.
रिकोटा चीझ किंवा खवा नसला तरी चालतो. नुसते दूध आटवूनही घट्ट झाला की छान लागतो.