Monday, May 20, 2013

तिखटामीठाच्या पुऱ्या


 जिन्नस :

कणिक अडीच वाट्या
लाल तिखट दीड चमचा
धनेजिरे पूड दीड चमचा
हळद अर्धा चमचा
चवीपुरते मीठ
मूठभर चिरलेली कोथिंबीर
५-६ चमचे तेल (कणकेत घालायला)
तळणीसाठी तेल


मार्गदर्शन : कणकेमध्ये वरील सर्व जिन्नस घालून घट्ट कणिक भिजवा. अर्ध्या तासाने मध्यम आचेवर कढई तापत ठेवा. ती पुरेशी तापली की त्यात पुरेसे तेल घाला. तेल जरा जास्ती घालावे म्हणजे पुरी फुगण्यास वाव मिळतो. भिजलेली कणिक अजून थोडी मळून घ्या. नंतर त्याचे छोटे गोळे करा व पुऱ्या लाटा. तेल तापले की त्यात सर्व पुऱ्या तळून घ्या. अडीच वाट्यांमध्ये ५० छोट्या पुऱ्या होतात. मधवेळी खाण्यास द्या. या पुऱ्या गरम खाल्या की बरोबर काहीही नसले तरी चालते इतक्या छान होतात. गार झाल्या तर लोणच्यामधेय थोडे दही घालून एकसारखे करा किंवा दाण्याची दह्यातली चटणी सोबत घ्या. या पुऱ्या खुसखुशीत व कुरकुरीत होतात.

5 comments:

Subodh Deshpande said...

ह्या पुर्या किति दिवस टिकतात, कारण गुजराथी किंवा कच्छि लोक जे बाजरी वडे नामक पाणीपुरिच्या आकाराच्या तिखटामिठाच्या, मेथियुक्त थोड्या कड्क पण सहज खाता येण्यासारख्यापुर्या करतात त्या जवळ-जवळ तीन आठ्वडे काहिहि न होता टिकतात, अशा चार-पाच बाजरीवडे नामक पुर्या बिस्किटाऐवजी, हल्का नाष्टा म्हणून चहा बरोबर सहज चालून जातात

rohini gore said...

2 te 4 divas tikat asavyat,, ha purya purvi karayche kahijan pravasat khanyasathi

महेंद्र said...

माझी आई ह्या मधे तिळ आणि थोडा ओवा, किंवा लसूण मिरचीची पेस्ट+ तिळ पण घालते:) माझा फेवरेट पदार्थ.

rohini gore said...

thanks ! mi pan ashya paddhatine karun pahin purya nakii !

अपर्णा said...

Slrrrrrrrp