Monday, January 15, 2007

टोमॅटो सार

वाढणी:दोन जणांना

पाककृतीला लागणारा वेळ:३० मिनिटे

पाककृतीचे जिन्नस:

लाल मध्यम आकाराचे टोमॅटो ४ ते ५
लाल तिखट, धने-जीरे पूड, साखर प्रत्येकी अदपाव चमचा
मीठ, जीरे, मोहरी, हिंग, तेल १ चमचा
१ कमी तिखट असलेली हिरवी मिरची
चिरलेली कोथिंबीर व ओला नारळ प्रत्येकी २-३ चमचे

क्रमवार मार्गदर्शन: टोमॅटो अर्धे चिरुन कूकरमधे शिजवणे. गार झाल्यावर शिजलेल्या टोमॅटोची साले काढून टाकणे. नंतर शिजलेले टोमॅटो २-३ चमचे ओला नारळ व १ मिरची मिक्सरमधून एकजीव करून घेणे. नंतर हे एकजीव झालेले मिश्रण एका पातेलीत काढून त्यात तिखट, धनेजीरे पूड, मीठ व साखर घालणे. बारीक चिरलेली कोथिंबीर घालून थोडेसे पाणी घालणे. नंतर कढल्यात तेल घालून त्यात मोहरी, जिरे व हिंग टाकून फोडणी करून टोमॅटोच्या मिश्रणामधे घालणे व एक उकळी येईपर्यंत गरम करणे.
लाल तिखट, धने जीरे पूड व साखर चवीप्रमाणे कमी/जास्त घालावी. जास्त नको, स्वाद येण्यापुरतीच. जास्त तिखट चव नको. गरम गरम पिणे. ओला नारळ पण दाटपणा येण्यापुरताच, जास्त नको.


रोहिणी

2 comments:

chaitrali said...

Rohini Receipies khupach chan aahet.
mala brekfast receipeies kothe aahet.ki jya patkan sakali brekfast la banvata yetil & tifin madhe neta yetil.

rohini gore said...

thanks chaitrali for complements! breakfast sathi vegle label kele nahiye ajun. pan pohe, bread che prakar, upama, vagere sarv lihile aahet. tula jara shodhave lagel. vel milala ki labelling karin. pan ithe labels lavlelei aahet padarthanna tyavarun tula shodhane soppe jail. thanks.