Wednesday, January 17, 2007

पालक थालिपीठ



वाढणी:२ जणांना

पाककृतीला लागणारा वेळ:३० मिनिटे

पाककृतीचे जिन्नस:

पालकाची छोटी पाने २५-३०
लहान अर्धा कांदा
२-३ हिरव्या मिरच्या
लाल तिखट, हळद, हिंग, मीठ
हरबरा डाळीचे पीठ
तेल

क्रमवार मार्गदर्शन: पालकाची पाने पाण्याने धुवुन घेवून बारीक चिरणे, कांदा व मिरच्या बारीक चिरुन घेणे, त्यात चविप्रमाणे लाल तिखट, मीठ व थोडेसे हळद,हिंग घालणे. या मिश्रणामधे डाळीचे पीठ व थोडे (५-६ चमचे) तेल घालणे. पीठ जास्त नको, मिळुन येण्याइतपतच घालणे.

वरील मिश्रण कालवताना पाणी वापरायचे नाही, कारण पालकाची पाने ओली असतात, शिवाय कांदा, तिखट-मीठामुळे पाणी सुटतेच. निरलेप तव्यावर थोडे तेल घालून ह्या मिश्रणाचा छोटा गोळा घेवून पातळ थालिपीठ थापा. थालिपीठ थापताना हातावर थोडे तेल घेवून थापावे.

असे हे खरपूस व चविष्ट थालिपीठ दह्याबरोबर खाणे.

रोहिणी

1 comment:

ketki said...

Recepies khuch chan ahay ....ata nakki karun baghte ani pudhcya ashach recepies sathi vat baghte ahay