शेवयांचा उपमा

वाढणी:२ जणांना

पाककृतीला लागणारा वेळ:१५ मिनिटे

पाककृतीचे जिन्नस:

कुस्करलेल्या शेवया १ वाटी
साजुक तुप अथवा तेल
मोहोरी, हिंग, चिमूटभर हळद, आणि लाल तिखट
मीठ, साखर, लिंबू १/२
चिरलेला कांदा १ वाटी, हिरव्या मिरच्या ३ ते ४
भाजलेले शेंगदाणे १०/१२

क्रमवार मार्गदर्शन: १ चमचा साजुक तूप अथवा तेलामधे शेवया गुलाबी रंग येईपर्यंत भाजुन घ्या. शेवया भाजताना गॅस मंद ठेवा. ४ ते ५ चमचे साजुक तूप अथवा तेलामधे मोहोरी,  हिंग,  हळद, आणि लाल तिखट घालुन त्यात मिरच्या, कांदा, भाजलेले दाणे घालुन परता. कांदा शिजायला पाहिजे. नंतर त्यात २ वाट्या पाणी ,चवीप्रमाणे मीठ,साखर घालुन लिंबू पिळून ढवळा. पाण्याला उकळी आली कि त्यात भाजलेल्या शेवया घालुन ढवळा. नंतर झाकण ठेवून गॅस मंद आचेवर १ ते २ मिनिटे ठेवा.

शेवयांचा उपमा गरम गरम खायला द्या.