Monday, January 15, 2007

वऱ्याचे तांदुळ

वाढणी:२ जणांना

पाककृतीला लागणारा वेळ:३० मिनिटे

पाककृतीचे जिन्नस:

१ वाटी वऱ्याचे तांदुळ
मूठभर दाण्याचे कूट,
मूठभर चिरलेली कोथिंबीर, मूठभर खवलेला ओला नारळ
१ तिखट मिरची, साजुक तूप २-३ चमचे
जिरे १ चमचा, ५ वाट्या पाणी
मीठ

क्रमवार मार्गदर्शन: सर्वात आधी वऱ्याचे तांदुळ धुवून घेणे आपण भाताला धुवून घेतो तसे. साजुक तूपामध्ये जिरे, मिरचीचे तुकडे, व वऱ्याचे तांदुळ घालून थोडे परतणे मध्यम आचेवर. नंतर त्यामध्ये ३ वाट्या पाणी घालून शिजवणे. थोडे शिजत आले की त्यात कोथिंबीर, नारळ, दाण्याचे कूट, चवीपुरते मीठ व अजून २ वाट्या पाणी घालून सर्व मिश्रण कालथ्याने ढवळणे. पाणी आटत आले की गॅस मंद करून झाकण ठेवणे. १० मिनिटांनी गॅस बंद करणे. वऱ्याचे तांदुळ लवकर शिजतात, पण गार झाले की खूप घट्ट होतात म्हणून जास्त पाणी घालावे लागते.


रोहिणी

1 comment:

kao2015 said...

Very good article Can make friends? Visit my blog