Saturday, January 20, 2007

डाळ कोबी










वाढणी:२ जणांना

पाककृतीला लागणारा वेळ:३० मिनिटे

पाककृतीचे जिन्नस:

बारीक चिरलेला कोबी ४-५ वाट्या
हरबरा डाळ अर्धी वाटी,
हिरव्या मिरच्या १-२, लाल तिखट १ चमचा
मीठ, गूळ सुपारीएवढा
ओला नारळ अर्धी वाटी, चिरलेली कोथिंबीर अर्धी वाटी
फोडणीसाठी तेल, मोहरी, हिंग, हळद, जिरे

क्रमवार मार्गदर्शन: हरबरा डाळ ३ तास पाण्यात भिजत घालणे. फोडणीमध्ये मिरच्यांचे तुकडे व हरबरा डाळ घालून १-२ वेळा वाफेवर शिजवणे. नंतर त्यात चिरलेला कोबी घालून मध्यम आचेवर शिजवणे. थोडे पाणी घालून पातेलीवर झाकण ठेवणे. ५ मिनिटांनी झाकण काढून परतणे. असे थोडे थोडे पाणी घालून ५-६ वाफा देवून शिजवणे. नंतर त्यात लाल तिखट, चवीपुरते मीठ व गूळ घालून परत २-३ वेळा वाफेवर शिजवणे. सगळ्यात शेवटी ओला नारळ व कोथिंबीर घालणे. या भाजीत शिजवण्यापुरतेच पाणी घालणे नाहीतर पांचट होते. ही पातळ भाजी नाही.

नुसती खायला पण छान लागते.

माहितीचा स्रोत:मामेबहीण सौ विनया गोडसे.

2 comments:

huaenhaoyang said...

Hello! You have a very nice blog! I'm here to share valuable info with you visit my my blog

Rashmi Mandpe said...

Rohini tujha blog ekdam mast aahe. Jar tujhya javal besancya ladoo chi easy recipe asel ter post kar na please. Mala ladoo jamale nahit kadhi.